രാജാക്കാട്: ഹൈറേഞ്ചില്‍ കാറ്റും മഴയും ശക്തമാകുന്നു. കഴിഞ്ഞ ദിവസം രാത്രിയിലുണ്ടായ ശക്തമായ കാറ്റില്‍ എന്‍ ആര്‍ സിറ്റി പുന്നസിറ്റി എക്കുന്നേല്‍ സുകു കൃഷ്ണന്റെ വീടിന്റെ മേല്‍ക്കൂരയും ഭിത്തിയും തകര്‍ന്നു വീണു.
വെള്ളിയാഴ്ച്ച രാത്രി പന്ത്രണ്ട് മണിയോടെയാണ് ശക്തമായുണ്ടായത്. സുകു കൃഷ്ണനും പ്രായമായ അമ്മയും മാത്രമാണ് ഇവിടെ താമസിക്കുന്നത്. ഉറക്കത്തില്‍ വലിയ ശബ്ദം കേട്ട് എഴുന്നേറ്റ് വന്നപ്പോളാണ് മന്‍വശത്തെ ഭിത്തിയും മേല്‍ക്കൂരയും തകര്‍ന്ന് കിടക്കുന്നത് കാണുന്നത്. ശക്തമായ കാറ്റില്‍ മേച്ചില്‍ ഷീറ്റുകള്‍ ഉത്തരം സഹിതം മേല്‍പ്പോട്ട് ഉയര്‍ന്ന് പൊങ്ങിയപ്പോള്‍ ഭിത്തി ഇളകി തകര്‍ന്ന് വീഴുകയായിരുന്നു. വീടിന്റെ  ഹാളില്‍ സ്ഥാപിച്ചിരുന്ന ജനലും തകര്‍ന്ന് വീണു. സിമിന്റ് കട്ടകള്‍ മറിഞ്ഞ് വീണ് വീട്ടുപകരണങ്ങള്‍ക്കും കേടുപാട് സംഭവിച്ചിട്ടുണ്ട്.