മലപ്പുറം: നെഹ്‌റു യുവകേന്ദ്രയുടെ നേതൃത്വത്തിലുള്ള ജില്ലാതല ഇന്റര്‍ യൂത്ത് ക്ലബ് അത്‌ലറ്റിക് മത്സരങ്ങള്‍ വളാഞ്ചേരി ഹയര്‍സെക്കന്‍ഡറി സ്‌കൂള്‍ മൈതാനിയില്‍ തുടങ്ങി. ജില്ലാ യൂത്ത് കോഡിനേറ്റര്‍ കെ. കുഞ്ഞഹമ്മദ് ഉദ്ഘാടനം ചെയ്തു.
കെ.പി അബ്ദുല്‍ ഗഫൂര്‍, കെ. മെഹറൂഫ്, ടി. ശ്രീഹരി, കെ.പി ഹബീബുല്ല, പി.ടി മുഹമ്മദ് ആഷിഖ്, എന്‍. ജഹ്ഫര്‍ സാദിഖ്, കെ. ഫൈസല്‍, റാഷിദ്  സി.പി സംസാരിച്ചു. മത്സരങ്ങളുടെ മുന്നോടിയായി വളാഞ്ചേരി നഗരസഭാ കാര്യാലയം മുതല്‍ ഹയര്‍സെക്കന്‍ഡറി സ്‌കൂള്‍വരെ നടത്തിയ ജില്ലാതല ക്രോസ് കണ്‍ട്രി മത്സരത്തില്‍ ആതവനാട് അല്‍മജാസ്  ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബിലെ മുഹമ്മദ് അബ്രാര്‍ ഒന്നാം സ്ഥാനം നേടി.
ഈസ്റ്റ് കോഡൂര്‍ യുവജന ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബിലെ പി. ബിപിന്‍കുമാര്‍ രണ്ടാം സ്ഥാനത്തിനും പള്ളിമുക്ക് റെയിന്‍ബോ ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബിലെ എ. സാദിഖലി മൂന്നാം സ്ഥാനത്തിനും അര്‍ഹരായി. മത്സരങ്ങള്‍ ഇന്നു സമാപിക്കും.