കൊച്ചി: നഗരത്തിലെ പ്ലേ സ്‌കൂളിനു സമീപത്തു ബാലികയെ ലൈംഗികമായി ഉപദ്രവിക്കാന്‍ ശ്രമിച്ച യുവാവിനെ എറണാകുളം സെന്‍ട്രല്‍ പോലീസ് അറസ്റ്റ് ചെയ്തു. എറണാകുളം കെ.കെ. പത്മനാഭന്‍ റോഡില്‍ തെരുവന്‍കുന്നേല്‍ മിഥുന്‍ ജോഷി(37)യാണു പിടിയിലായത്. ഒരു മാസം മുമ്പായിരുന്നു സംഭവം.
കുട്ടിയുടെ പരാതിയുടെ അടിസ്ഥാനത്തില്‍ നടത്തിയ അന്വേഷണത്തിന്റെ ആദ്യഘട്ടത്തില്‍ പ്രതിയെക്കുറിച്ചു പോലീസിനു സൂചനകളൊന്നും ലഭിച്ചിരുന്നില്ല. പിന്നീട് സമീപ സ്ഥാപനങ്ങളിലെ സിസി ടിവി. ദൃശ്യങ്ങള്‍ പരിശോധിച്ചപ്പോള്‍ പ്രതി സഞ്ചരിച്ച ഇരുചക്ര വാഹനത്തിന്റെ വിവരങ്ങള്‍ ലഭിക്കുകയും തുടര്‍ന്നു നടത്തിയ അന്വേഷണത്തില്‍ പ്രതിയെ തിരിച്ചറിഞ്ഞു അറസ്റ്റ് ചെയ്യുകയുമായിരുന്നു.
എറണാകുളം അസിസ്റ്റന്റ് കമ്മിഷണറുടെ മേല്‍നോട്ടത്തില്‍ സെന്‍ട്രല്‍ പൊലിസ് ഇന്‍സ്‌പെക്ടര്‍ എ. അനന്തലാലിന്റെ നേതൃത്വത്തില്‍ എസ്.ഐമാരായ സാജന്‍ ജോസഫ്, കെ. സുനുമോന്‍, എ.എസ്.ഐ. മണി, എസ്.സി.പി.ഒമാരായ ഷാജി, ഷമീര്‍, സി.പി.ഒമാരായ അനീഷ്, മനോജ്, എബി സുരേന്ദ്രന്‍ എന്നിവരടങ്ങുന്ന സംഘമാണ് പ്രതിയെ പിടികൂടിയത്.