കൊളംബോ: ശ്രീലങ്കക്കെതിരായ രണ്ടാം ക്രിക്കറ്റ് ടെസ്റ്റില്‍ ബംഗ്ലാദേശിനു വിജയ പ്രതീക്ഷ. ശ്രീലങ്കയുടെ ഒന്നാം ഇന്നിങ്‌സ് സ്‌കോറായ 338 റണ്‍സിനു മറുപടിയായി ബംഗ്ലാദേശ് ഒന്നാം ഇന്നിങ്‌സില്‍ 467 റണ്‍സെടുത്തു. രണ്ടാം ഇന്നിങ്‌സ് തുടങ്ങിയ ശ്രീലങ്ക നാലാം ദിനം കളി നിര്‍ത്തുമ്പോള്‍ എട്ടു വിക്കറ്റ് നഷ്ടത്തില്‍ 268 റണ്‍സെന്ന നിലയില്‍.
രണ്ടു വിക്കറ്റുകള്‍ അവശേഷിക്കെ ലങ്കയ്ക്ക് 139 റണ്‍സ് ലീഡ് മാത്രം. അവസാന ദിനത്തില്‍ ലങ്കയെ ക്ഷണത്തില്‍ പുറത്താക്കി ബാറ്റു ചെയ്ത് വിജയിക്കാനുള്ള സുവര്‍ണാവസരമാണു ബംഗ്ലാദേശിനുള്ളത്. സെഞ്ച്വറി നേടി ബംഗ്ലാ ഇന്നിങ്‌സിനെ മികവിലെത്തിച്ച ഷാകിബ് അല്‍ ഹസന്‍ മൂന്നു വിക്കറ്റുകള്‍ വീഴ്ത്തി ബൗളിങിലും തിളങ്ങി.