മഡ്ഗാവ്: ആദ്യ മത്സരത്തില്‍ ഉജ്ജ്വല വിജയവും രണ്ടാം മത്സരത്തില്‍ പിന്നില്‍ നിന്നു തിരിച്ചടിച്ച് പൊരുതി നേടിയ സമനിലയുമായി കേരളം ഇന്നു മൂന്നാം മത്സരത്തിനിറങ്ങുന്നു. ഗ്രൂപ്പ് ബിയില്‍ മിസോറമാണു ഇന്നു കേരളത്തിന്റെ എതിരാളികള്‍.
മികവു തുടര്‍ന്നു വിജയം സ്വന്തമാക്കി സെമിയിലേക്കു കൂടുതല്‍ അടുക്കാനുള്ള അവസരമാണു കേരളത്തിനുള്ളത്. അതേസമയം കേരളത്തിനു സമാനമായ അവസ്ഥയാണു മിസോറമിനും. ഒരു വിജയവും ഒരു സമനിലയുമാണ് അവര്‍ക്കമുള്ളത്. ഇന്നു മറ്റൊരു പോരാട്ടത്തില്‍ മഹാരാഷ്ട്ര- പഞ്ചാബുമായി ഏറ്റുമുട്ടും.