ന്യൂഡല്‍ഹി: ജപ്പാന്‍ കാര്‍ നിര്‍മാതാക്കളായ ടൊയോട്ടയുടെ രാജകുടുംബാംഗമായ കൊറോള അള്‍ട്ടിസിന്റെ ഏറ്റവും പുതിയ പതിപ്പ് നിരത്തിലെത്തി. നേരത്തെ തന്നെ അഴകിലും പ്രൗഢിയിലും തലയെടുപ്പോടെ നിന്ന അള്‍ട്ടിസ് ചെത്തിമിനുക്കിയെടുത്താണ് ഇപ്പോള്‍ വീണ്ടും അവതരിപ്പിച്ചത്.

കഴിഞ്ഞ ബുധനാഴ്ച അവതരിപ്പിച്ച അള്‍ട്ടിസിന് 15.87 മുതല്‍ 19.91 വരെയാണ് ഡല്‍ഹി എക്‌സ് ഷോറൂം വില.

1.8 ലിറ്റര്‍ പെട്രോള്‍,1.4 ലിറ്റര്‍ ഡീസല്‍ എന്‍ജിനുകളിലാണ് കാര്‍ അവതരിപ്പിച്ചത്. ഏഴു എയര്‍ബാഗുകള്‍,ഹില്‍ സ്റ്റാര്‍ട്ട് അസിസ്റ്റന്റ് കണ്‍ട്രോള്‍,വിശാലമായ ഉള്‍വശം തുടങ്ങി യാത്രക്കാരുടെ സുരക്ഷയ്ക്ക് മുന്‍തൂക്കം നല്‍കുന്ന നിരവധി സവിശേഷതകളാണ് വാഹനത്തില്‍ ഒരുക്കിയത്.

ലോകത്താകമാനം 44 യൂനിറ്റ് കാറുകളാണ് ഇതിനകം വിറ്റഴിഞ്ഞത്. പ്രീമിയം സെഡാന്‍ വിഭാഗത്തില്‍ ടൊയോട്ടയുടെ ബ്രാന്റ് മൂല്യം വര്‍ധിപ്പിച്ച കാറാണ് കൊറോള അള്‍ട്ടിസ്.