വൈപ്പിന്‍: പതിമൂന്നുകാരിയെ പീഡിപ്പിച്ച കേസില്‍ ബന്ധു അറസ്റ്റില്‍. പറവൂര്‍ കൈതാരം ചെമ്മനാട്ട് വീട്ടില്‍ നിബാദ് (29) ആണ് അറസ്റ്റിലായത്. എടവനക്കാട് ചാത്തങ്ങാട് വാടകക്ക് താമസിക്കുകയാണ് ഇയാള്‍ കഴിഞ്ഞ നവംബര്‍ മുതല്‍ ബാലികയെ വീട്ടില്‍ വച്ച് പീഡിപ്പിച്ചുവെന്നാണ് പരാതി.
ബന്ധുക്കള്‍ ചൈല്‍ഡ് ലൈനില്‍ പരാതി നല്‍കിയതിനെ തുടര്‍ന്ന് വനിതാ പൊലിസ് ബാലികയുടെ മൊഴിയെടുക്കുകയും ഞാറക്കല്‍ പൊലിസ് കേസ് രജിസ്റ്റര്‍ ചെയ്യുകയുമായിരുന്നു. ഞാറക്കല്‍ സി.ഐ കെ. ഉല്ലാസിന്റെ നേതൃത്വത്തിലുള്ള പൊലിസ് സംഘം ഇന്നലെയാണ് അറസ്റ്റ്‌ചെയ്തത്.