തൊടുപുഴ: കൊല്ലത്തു നടന്ന സംസ്ഥാന അമച്ചര്‍ ബോക്‌സിങ് ചാംപ്യന്‍ഷിപ്പില്‍ സബ് ജൂനിയര്‍ വിഭാഗത്തില്‍ കരിമണ്ണൂര്‍ വിന്നേഴ്‌സ് പബ്ലിക് സ്‌കൂളിന് ഓവറോള്‍. അഞ്ച് സ്വര്‍ണ്ണവും ഏഴ് വെള്ളിയും ഏഴ് വെങ്കലവും കരസ്ഥമാക്കിയാണ് ഇടുക്കി ജില്ലയെ പ്രതിനിധീകരിച്ച സ്‌കൂള്‍ ഈ നേട്ടം കൈവരിച്ചത്. ജൂനിയര്‍ ബോക്‌സിങ് ചാമ്പ്യന്‍ഷിപ്പില്‍ റണ്ണേഴ്‌സ് അപ്പും സ്‌കൂള്‍ കരസ്ഥമാക്കി.
ഇത് മൂന്നാം തവണയാണ് വിന്നേഴ്‌സിന് ഓവറോള്‍ കിരീടം ലഭിക്കുന്നത്. മീരാബാബു, പാര്‍വ്വതി ഷാജു, ആര്‍ച്ച രതീഷ്,ആര്യനന്ദ ബിജു, അരുണ്‍ സുനില്‍ എന്നിവര്‍ സ്വര്‍ണ്ണവും ജീവന്‍ ടോമി, നന്ദ ബിനോജ്, അഭിനന്ദ് ബിജു, എം സി നവനീത് , മാഹിന്‍ ഷറാബുദ്ദീന്‍, ജസ്റ്റിന്‍ ബിനോയി, അതുല്‍ ഷാജി എന്നിവര്‍ വെള്ളിയും എന്‍ എസ് അഭിജിത് , കാര്‍ത്തിക് കെ ചന്ദ്രന്‍, ഐറിഷ് ജോസഫ്, അനന്ദു സാബു, അഫ്‌സല്‍ ടി നവാസ്, അലന്‍ വര്‍ഗ്ഗീസ് രാജു, വി ബി യദു കൃഷ്ണ തുടങ്ങിയവര്‍ വെങ്കലവും നേടി.