തൃപ്രയാര്‍: വലപ്പാട് ആനവിഴുങ്ങിയിലെ ബീവറേജ് ഔട്ട്‌ലെറ്റിനെതരേ ബീവറേജ് വിരുദ്ധ ജനകീയ മുന്നണി സമരം ശക്തമാക്കുന്നതിന്റെ ഭാഗമായി നാളെ രാവിലെ പത്തിന് പ്രതിഷേധ യോഗം ചേരും. പ്രൊഫ.സാറാ ജോസഫ് ഉദ്ഘാടനം ചെയ്യും. വലപ്പാട് ഗ്രാമപഞ്ചായത്ത് പ്രസിഡന്റ് ഇ.കെ തോമസ് അധ്യക്ഷനാകും.
മദ്യവിരുദ്ധ ജനകീയ സമിതി, ദേശീയപാത ആക്ഷന്‍ കൗണ്‍സില്‍, വിവേകാനന്ദ സേവാകേന്ദ്രം, കെ.സി.ബി.സി മദ്യവിരുദ്ധ സമിതി എന്നിവയിലെ നേതാക്കള്‍ യോഗത്തില്‍ പങ്കെടുക്കും. കഴിഞ്ഞ മാര്‍ച്ച് മാസത്തിലാണ് പയച്ചോട് പ്രവര്‍ത്തിച്ചിരുന്ന ബിവറേജ് ഔട്ട്‌ലെറ്റ് സമീപവാസിയായ റുക്കിയ ഖാദര്‍ നയിച്ച സമരത്തെ തുടര്‍ന്ന് ആനവിഴുങ്ങിയിലേക്ക് മാറ്റിയത്.