തൃശൂര്‍: അതിരപ്പള്ളി ജലവൈദ്യുത പദ്ധതി പ്രദേശവും ഇതുമൂലം വെള്ളത്തിലാകുന്ന ആദിവാസി കോളനിയും എസ്.ഡി.പി.ഐ സംഘം സന്ദര്‍ശിച്ചു. അതിരപ്പള്ളി സമരസമിതി നേതാക്കളായ കാടാര്‍ ആദിവാസി കോളനിയിലെ ഊരുമൂപ്പത്തി ഗീത, ഇന്ദിര എന്നിവരുമായി സംഘം സംസാരിച്ചു.
അതിരപ്പള്ളി ജല വൈദ്യുതി പദ്ധതിക്കെതിരേ നടക്കുന്ന ജനകീയ സമരങ്ങള്‍ക്ക് എല്ലാവിധ പിന്തുണയും നല്‍കണമെന്ന് സന്ദര്‍ശക സംഘത്തോട് ഇവര്‍ അഭ്യര്‍ഥിച്ചു.
സംസ്ഥാന സെക്രട്ടറി പി.കെ ഉസ്മാന്‍, തൃശൂര്‍ ജില്ലാ പ്രസിഡന്റ് പി.ആര്‍ സിയാദ്, ജനറല്‍ സെക്രട്ടറി ഇ.എം ലത്തീഫ്, ജില്ലാ സെക്രട്ടറിമാരായ എ.സുബ്രഹ്മണ്യന്‍, ദിലീഫ് അബ്ദുല്‍ ഖാദര്‍, ആദിവാസി ബഹുജന ഐക്യവേദി നേതാവ് ടി.എം മുകുന്ദന്‍, ആസിഫ് അബ്ദുല്ല കാളത്തോട് സന്ദര്‍ശന സംഘത്തിലുണ്ടായിരുന്നു.