ചെങ്ങന്നൂര്‍ : ആവേശവും സ്‌നേഹ പ്രകടനങ്ങളും ഹൃദയത്തിലേറ്റുവാങ്ങി വെണ്‍മണി മണ്ഡലത്തില്‍ യു.ഡി.എഫ് സ്ഥാനാര്‍ഥിയുടെ പര്യടനം. രാവിലെ തന്നെ പ്രദേശത്തിന്റെ വിവിധ ഭാഗങ്ങളില്‍ നിന്നും യു.ഡി.എഫ് പ്രവര്‍ത്തകരും കക്ഷിരാഷ്ട്രീയത്തിനതീതമായി സ്ഥാനാര്‍ഥിയെ സ്‌നേഹിക്കുന്ന വലിയൊരു വിഭാഗം ജനങ്ങളും വെണ്‍മണിയിലെത്തി.
താഴത്തമ്പലത്ത് നടന്ന പര്യടനത്തിന്റെ ഉദ്ഘാടനം യൂത്ത് കോണ്‍ഗ്രസ് സംസ്ഥാന അധ്യക്ഷന്‍ ഡീന്‍ കുര്യാക്കോസ് നിര്‍വഹിച്ചു.
തോമസ് ടി തോമസ് അധ്യക്ഷത വഹിച്ചു. വരമ്പൂര്‍ ,കരയിലത്തറപ്പടി ,പുളിക്കല്‍ പാലം , തുരുത്തി മുക്ക് തുടങ്ങിയ സ്ഥലങ്ങളില്‍ സ്വീകരണം ഏറ്റുവാങ്ങി കല്യാത്ര ജംഗ്ഷനില്‍ സമാപിച്ചു.
കെ.പി.സി.സി വൈസ് പ്രസിഡന്റ് വി ഡി സതീശന്‍ സമാപന സമ്മേളനം ഉദ്ഘാടനം ചെയ്തു. ചടങ്ങില്‍ കോശി എം കോശി അധ്യക്ഷനായിരുന്നു. വൈകിട്ട് ചെന്നിത്തല ഈസ്റ്റ് മണ്ഡലത്തിലായിരുന്നു സ്ഥാനാര്‍ഥിയുടെ പര്യടനം.
എന്‍കെ പ്രേമചന്ദ്രന്‍ എംപി പര്യടനം ഉദ്ഘാടനം ചെയ്തു. പുത്തുവിളപ്പടിയില്‍ നിന്നുമാരംഭിച്ച പര്യടനം കല്ലുമൂട് ജങ്ഷന്, കാട്ടില്‍ മുക്ക്,കണക്കില്‍ ജങ്ഷന്‍ തുടങ്ങിയ സ്ഥലങ്ങളിലെ സ്വീകരണങ്ങള്‍ ഏറ്റുവാങ്ങി കുന്നുംപുറത്ത് ജങ്ഷനില്‍ സമാപിച്ചു.