കൊല്ലം: മത്സ്യഫെഡില്‍ അഫിലിയേറ്റ് ചെയ്തിട്ടുള്ള മത്സ്യത്തൊഴിലാളി വികസന ക്ഷേമ സഹകരണ സംഘങ്ങളിലെ അംഗങ്ങളുടെ മക്കള്‍ക്ക് 2016 മാര്‍ച്ച് ഏപ്രില്‍ മാസങ്ങളില്‍ നടന്ന എസ് .എസ് .എല്‍ .സി, പ്ലസ് ടു,വി .എച്ച് .എസ് ഇ പരീക്ഷകളില്‍ ഉന്നത വിജയം നേടിയവര്‍ക്കും പ്ലസ് ടൂ പരീക്ഷയില്‍ ഫിസിക്‌സ്, സുവോളജി എന്നിവയില്‍ ഉയര്‍ന്ന മാര്‍ക്ക് ലഭിച്ചവര്‍ക്കും മത്സ്യഫെഡ് വിദ്യാഭ്യാസ അവാര്‍ഡിന് അപേക്ഷിക്കാം.
കൂടാതെ ബിരുദം, ബിരുദാനന്തര ബിരുദം അതിന് മേലുള്ള പഠനത്തിനും സര്‍വകലാശാല തലത്തില്‍ റാങ്ക് നേടിയ കുട്ടികള്‍ക്കും അവാര്‍ഡിന് അപേക്ഷിക്കാം. സാക്ഷ്യപ്പെടുത്തിയ മാര്‍ക്ക് ലിസ്റ്റിന്റെ പകര്‍പ്പ്, മത്സ്യത്തൊഴിലാളി വികസന ക്ഷേമ സഹകരണ സംഘത്തില്‍ നിന്നുള്ള സാക്ഷ്യപത്രം എന്നിവ പ്രോജക്ട് ഓഫീസറുടെ ശുപാര്‍ശയോടൊപ്പം ജൂണ്‍ 29 നകം ജില്ലാ ഓഫീസില്‍ നല്‍കണം. വിശദ വിവരങ്ങള്‍ മത്സ്യഫെഡിന്റെ ജില്ലാ ഓഫീസ്, ക്ലസ്റ്റര്‍ ഓഫീസ് എന്നിവിടങ്ങളില്‍ നിന്നും ലഭിക്കും. ഫോണ്‍: 04742772971, 9526041229.