മലപ്പുറം: വിഖായ ജില്ലാ മദീനാ പാഷന്‍ ഏപ്രില്‍ നാലിന് അത്തിപ്പറ്റ ഫതഹുല്‍ ഫത്താഹില്‍ നടക്കും. ജില്ലയിലെ വിഖായ വളണ്ടിയര്‍മാര്‍ക്കു പുറമേ രണ്ടുഘട്ടങ്ങളിലായി നടന്ന ട്രൈനിങ് കാംപില്‍ പങ്കെടുത്തവരുമാണ് പരിപാടിയില്‍ പങ്കെടുക്കുക. ജലക്ഷാമം രൂക്ഷമായ പ്രദേശങ്ങളില്‍ അതത് ക്ലസ്റ്റര്‍ സമിതികളുടെ നേതൃത്വത്തില്‍ വെള്ളമെത്തിക്കാന്‍ സൗകര്യം ഒരുക്കാനും മലപ്പുറത്തു ചേര്‍ന്ന യോഗം തീരുമാനിച്ചു. ജീവികള്‍ക്ക് മലമുകളില്‍ പ്രത്യേകമായി വെള്ള സൗകര്യം ഒരുക്കും. ഇതിന്റെ ജില്ലാതല ഉദ്ഘാടനം ഏപ്രില്‍ ഒന്നിന് രാവിലെ പത്തിന് അരീക്കോട് ചൂളാട്ടി പാറയില്‍ നടക്കും. ആലോചന യോഗം  ചെയര്‍മാന്‍ സല്‍മാന്‍ ഫൈസി തിരൂര്‍ക്കാട് ഉദ്ഘാടനം ചെയ്തു. നവാസ് കളിയാട്ടമുക്ക് അധ്യക്ഷനായി. ഉമറലി ശിഹാബ് പദ്ധതി വിശദീകരിച്ചു. അബ്ദുറഹ്മാന്‍ മഞ്ചേരി, ജബ്ബാര്‍ വളാഞ്ചേരി, റഹ്മത്തുള്ള മേല്‍മുറി, ഇസ്മാഈല്‍ ചങ്കുവെട്ടി, ശിഹാബ് മന്നാനി ആലത്തിയൂര്‍,  റാഷിദ് ഒറവംപുറം, ബഷീര്‍ മുത്തൂര്‍ സംബന്ധിച്ചു.