പട്ടാമ്പി: സമസ്ത കേരള സുന്നീ ബാലവേദി സംസ്ഥാന കമ്മിറ്റി മാര്‍ച്ച് 22 മുതല്‍ മെയ് 22 വരെ സംസ്ഥാന വ്യാപകമായി ആചരിക്കുന്ന ജല ദിന ക്യാംപയിനിന് ജില്ലയില്‍ തുടക്കമായി.  ഒറ്റപ്പാലം റെയ്ഞ്ചിലെ തിരുണ്ടിക്കല്‍ ഹയാത്തുല്‍ ഇസ്‌ലാം മദ്‌റസയില്‍ നടന്ന ജില്ലാതല ഉദ്ഘാടനം എസ്.വൈ.എസ്  ജില്ലാ സെക്രട്ടറി യൂസഫ് പത്തിരിപ്പാല നിര്‍വഹിച്ചു.
ജില്ലാ പ്രസിഡന്റ്   മുനാഫര്‍ ഒറ്റപ്പാലം അധ്യക്ഷനായി.  മികച്ച പരിസ്ഥിതി പ്രവര്‍ത്തക കേരള സര്‍ക്കാര്‍ അവാര്‍ഡ് ജേതാവ് കല്ലൂര്‍ ബാലന്‍ മുഖ്യാതിഥിയായി.  
എം.ഇ.എസ് കല്ലടി കോളജ് ഇസ്‌ലാമിക് ഹിസ്റ്ററി പ്രൊഫസര്‍ സി.കെ മുഷ്താഖ് മാസ്റ്റര്‍, മുസ്തഫ തിരുണ്ടിക്കല്‍, ജലീല്‍ തിരുണ്ടിക്കല്‍, മുഹമ്മദലി വാഫി, ഷാഹിദ്, ജില്ലാ വര്‍.സെക്രട്ടറി മുബശ്ശിര്‍ ചുങ്കത്ത്, ഇജാസ് സംസാരിച്ചു.
ക്യാംപയ്‌നിന്റെ ഭാഗമായി ശാഖാ, റെയ്ഞ്ച് തലങ്ങളില്‍ തണ്ണീര്‍ പന്തല്‍, പ്രതിജ്ഞ, ബോധവല്‍കരണ ക്ലാസ്, പോസ്റ്റര്‍ പ്രദര്‍ശനം സംഘടിപ്പിക്കും. ക്യാംപയ്ന്‍ വിജയിപ്പിക്കണമെന്ന് ശാഖാ, റെയ്ഞ്ച് ഭാരവാഹികളോട് ജില്ലാ പ്രസിഡന്റ് മുനാഫര്‍ ഒറ്റപ്പാലവും ജനറല്‍ സെക്രട്ടറി മനാഫ് കോട്ടോപ്പാടവും അഭ്യര്‍ഥിച്ചു.