പാലക്കാട്: മാനവിക രാഷ്ട്രീയം മാതൃകാ യൗവ്വനം എന്ന  പ്രമേയവുമായി ജില്ലാ യൂത്ത് ലീഗ് ഈ മാസം 24, 25 തിയ്യതികളില്‍ അട്ടപ്പാടിയില്‍ നടത്തുന്ന യുവചിന്തനം  ലീഡര്‍ഷിപ്പ് ട്രൈനിങ് ക്യാംപ് പാണക്കാട് സയ്യിദ് മുനവ്വറലി ശിഹാബ് തങ്ങള്‍ ഉദ്ഘാടനം ചെയ്യും.
വെള്ളിയാഴ്ച വൈകീട്ട് നാലിന് നടുക്കുന്ന ഉദ്ഘാടന സെഷനില്‍ സി.എ.എം.എ കരീം മുഖ്യ പ്രഭാഷണം നടത്തും. അഡ്വ. എന്‍ ശംസുദ്ധീന്‍ എം.എല്‍.എ മുഖ്യാഥിതിയായിരിക്കും.
വിവിധ സെഷനുകളില്‍ ഡോ. സുലൈമാന്‍ മേല്‍പ്പത്തൂര്‍, സി. ഹംസ, കെ.പി.എസ് പയ്യനടം, ഷാഫി ചാലിയം, എം.എ. സമദ് പ്രഭാഷണം നടത്തും. 25നു മൂന്നിന് സമാപനം പി.കെ ഫിറോസ് ഉദ്ഘാടനം ചെയ്യും. കളത്തില്‍ അബ്ദുല്ല മുഖ്യ പ്രഭാഷണം നടത്തും.
ഇത് സംബന്ധിച്ച് ചേര്‍ന്ന യോഗത്തില്‍ സി.എ സാജിത് അധ്യക്ഷനായി. ഗഫൂര്‍ കോല്‍കളത്തില്‍, ഇഖ്ബാല്‍ പുതുനഗരം, ഫാറൂഖ് മാസ്റ്റര്‍, പി.എസ് ഷബീറലി, പി.കെ.എം മുസ്ഥഫ, സകരിയ കൊടുമുണ്ട, കെ.പി.എം സലിം, മാടാല മുഹമ്മദലി, സൈദ് മീരാന്‍ ബാബു പ്രസംഗിച്ചു.