മുക്കം: 14കാരിയെ പീഡിപ്പിക്കാന്‍ ശ്രമിച്ച പൊലിസ് ക്യാംപിലെ കാര്‍പ്പെന്റര്‍ റിമാന്‍ഡിലായി.
മലപ്പുറം എം.എസ്.പി ക്യാംപിലെ കാര്‍പെന്റര്‍ ചെറുവാടി തെനേങ്ങപറമ്പ് സ്വദേശി കബീറിനെ (45) ആണ് താമരശ്ശേരി കോടതി റിമാന്‍ഡ് ചെയ്തത്. കുട്ടിയുടെ രക്ഷിതാക്കളുടെ പരാതിയില്‍ മുക്കം പൊലിസ് കേസെടുക്കുകയായിരുന്നു.
ആളില്ലാത്ത സമയത്ത് പെണ്‍കുട്ടിയുടെ വീട്ടിലെത്തിയ പ്രതി പെണ്‍കുട്ടിയെ കടന്ന് പിടിക്കുകയായിരുന്നു. ഈ സമയത്ത് പെണ്‍കുട്ടി കുതറിമാറി ഓടി രക്ഷപ്പെട്ടു. സംഭവ ശേഷം പ്രതി കബീര്‍ പെണ്‍കുട്ടിയേയും കുടുംബത്തേയും ഭീഷണിപ്പെടുത്തിയതായും വിവരമുണ്ട്.
കുട്ടികള്‍ക്കെതിരായ ലൈംഗികാതിക്രമം തടയുന്ന പോക്‌സോ നിയമപ്രകാരം കേസെടുത്താണ് കബീറിനെ അറസ്റ്റ് ചെയ്തത്.