ഭോപ്പാല്‍: മധ്യപ്രദേശിലെ ഭോപ്പാലില്‍ പീഡനത്തിനിരയായ യുവതി കൊല്ലപ്പെട്ടു. ഒറ്റമുറി ഫ്‌ളാറ്റില്‍ നിന്ന് നഗ്‌നമായ നിലയിലാണ് 35 വയസുള്ള യുവതിയുടെ മൃതദേഹം പൊലിസ് കണ്ടെടുത്തത്. പോസ്റ്റ്‌മോര്‍ട്ടം റിപ്പോര്‍ട്ട് പ്രകാരം മൃതദേഹത്തിന് മൂന്ന് ദിവസത്തെ പഴക്കമുണ്ട്. യുവതിയുടെ സ്വകാര്യ ഭാഗങ്ങളില്‍ നിന്ന് ബിയര്‍ ബോട്ടില്‍ കണ്ടെടുത്തിട്ടുണ്ട്.സംഭവത്തെ തുടര്‍ന്ന് യുവതിയോടൊപ്പം താമസിച്ചു വരികയായിരുന്നയാളെ പൊലിസ് അറസ്റ്റ് ചെയ്തു. തന്റെ നാലാമത്തെ ഭാര്യയാണ് കൊല്ലപ്പെട്ട യുവതിയെന്നാണ് ഇയാള്‍ പൊലിസിനോട് പറഞ്ഞത്. തുടര്‍ന്ന് നടത്തിയ അന്വേഷണത്തില്‍ ഇയാളുടെ രണ്ട് ഭാര്യമാരുടെ മരണം അസ്വാഭാവികമായിരുന്നെന്ന് പൊലിസ് കണ്ടെത്തി.കൊല്ലപ്പെട്ട യുവതിക്ക് അയല്‍വാസിയായ ഒരാളുമായി ബന്ധം ഉണ്ടായിരുന്നതായി യുവാവ് പൊലിസിനോട് പറഞ്ഞിട്ടുണ്ട്. എന്നാല്‍ യുവതി കൊല്ലപ്പെട്ട ദിവസം മുതല്‍ ഈ അയല്‍വാസിയെ കാണാനില്ലെന്ന വിവരമാണ് അന്വേഷണ ഉദ്യോഗസ്ഥര്‍ക്ക് ലഭിച്ചത്. അന്വേഷണം ആരംഭിച്ചിട്ടുണ്ടെന്നും ഇയാള്‍ ഉടന്‍ പിടിയിലാകുമെന്നും പൊലീസ് അറിയിച്ചു.