പയ്യോളി: കീഴങ്കൈ മുബാറകിന്റെ ദുരൂഹമരണത്തെക്കുറിച്ച് അന്വേഷിക്കാന്‍ പൊലിസ് കാണിക്കുന്ന അലംഭാവം അവസാനിപ്പിക്കണമെന്നും കേസ് ക്രൈംബ്രാഞ്ചിന് കൈമാറണമെന്നും കര്‍മസമിതി ആവശ്യപ്പെട്ടു. ഈ ആവശ്യമുന്നയിച്ച് ഏപ്രില്‍ ആറിന് പയ്യോളി പൊലിസ് സ്‌റ്റേഷനിലേക്ക് മാര്‍ച്ച് നടത്താനും തീരുമാനിച്ചു.
മുബാറകിന്റെ മരണത്തെക്കുറിച്ച് കുടുംബവും പ്രദേശവാസികളും വ്യക്തമായ മൊഴികള്‍ നല്‍കിയിട്ടും സുതാര്യമായ ഒരന്വേഷണവും പൊലിസ് നടത്തിയിട്ടില്ല.
ഇതുസംബന്ധിച്ച് മുബാറകിന്റെ മാതാവ് മുഖ്യമന്ത്രി, ഡി.ജി.പി എന്നിവര്‍ക്ക് പരാതി നല്‍കിയിട്ടുണ്ട്.
ചെയര്‍മാന്‍ പി. ബാലഗോപാലന്‍ അധ്യക്ഷനായി. മനോജ് മേപ്പറമ്പത്ത്, ടി.ടി ആയിഷ, വി.വി അമ്മദ്, മണിയോത്ത് മൊയ്തീന്‍, ചെറുകുന്നുമ്മല്‍ ശശി, സി.കെ അസീസ്, വാഴയില്‍ കുഞ്ഞിരാമന്‍, ഗീത മൂലയില്‍, കെ.ടി ഷിജിത്ത്, പി.കെ സൗദ, പി.കെ ഇസുദ്ദീന്‍ സംസാരിച്ചു.