കാക്കനാട്: വര്‍ഷങ്ങളായി കാക്കനാട് കുന്നുംപുറത്ത് പൂട്ടിയിട്ടിരിക്കുന്ന വനിതാ വികസന കോര്‍പറേഷന്റെ ഉടമസ്ഥതയിലുള്ള വര്‍ക്കിങ് വിമന്‍സ് ഹോസ്റ്റലിന് ശാപമോക്ഷം. ഇവിടം ഇനിമുതല്‍ വനിതാ മിത്ര കേന്ദ്രം ആന്റ് ഷീ ലോഡ്ജ് എന്നറിയപ്പെടും. കേന്ദ്ര, സംസ്ഥാന സര്‍ക്കാരുകളുടെ സഹായത്തോടെ ഒന്‍പത് കോടി രൂപ ചെലവഴിച്ചാണ് പദ്ധതി നടപ്പാക്കുന്നത്. നാളെ രാവിലെ 10.30ന് മന്ത്രി കെ.കെ ഷൈലജ ശിലാസ്ഥാപനം നടത്തും.
കുറഞ്ഞ നിരക്കില്‍ സ്ത്രീകള്‍ക്ക് സുരക്ഷിതമായ താമസ സൗകര്യം ഒരുക്കാന്‍ ലക്ഷ്യമിട്ടാണ് ഷീ ലോഡ്ജ് സ്ഥാപിക്കുന്നത്. മുപ്പത് വനിതകള്‍ക്ക് ഒരേ സമയം താമസിക്കാനുള്ള സൗകര്യം ഇവിടെയുണ്ടാകും.
60 വനിതകള്‍ക്ക് താമസിക്കാന്‍ വനിതാ മിത്ര കേന്ദ്രം എന്ന പേരില്‍ ഹോസ്റ്റലും നിര്‍മിക്കുന്നുണ്ട്. 18 മാസം കൊണ്ട് നിര്‍മാണം പൂര്‍ത്തിയാക്കുകയാണ് ലക്ഷ്യം.