കോഴിക്കോട്: യു.എ.ഇയിലെ കവിയും സിനിമാ സംവിധായകനും പത്രപ്രവര്‍ത്തകനുമായ നാസിര്‍ ദാഹിരി വാക്കുപാലിച്ചു.
കാലിക്കറ്റ് യൂനിവേഴ്‌സിറ്റിയില്‍ ദാറുല്‍ യാസ്മീന്‍ പബ്ലിഷേഴ്‌സും അറബി പഠനവകുപ്പും സംയുക്തമായി സംഘടിപ്പിച്ച സെമിനാറില്‍ പങ്കെടുക്കാന്‍ ഡോ. മറിയം ഷിനാസിനൊപ്പം കാംപസിലെത്തിയ അദ്ദേഹം കാലിക്കറ്റ് സര്‍വകലാശാലാ അറബിവിഭാഗം ലൈബ്രറിയിലേക്ക് 15 ലക്ഷത്തിന്റെ ഗ്രന്ഥങ്ങളാണ് നല്‍കാമെന്നേറ്റിരുന്നത്. 2016ലെ ഷാര്‍ജ അന്താരാഷ്ട്ര പുസ്തകോത്സവത്തില്‍ അഞ്ചു ദിവസം ചെലവഴിച്ചാണ് യൂനിവേഴ്‌സിറ്റിയിലേക്കാവശ്യമായ ഗ്രന്ഥങ്ങള്‍ അദ്ദേഹം തിരഞ്ഞെടുത്തത്.