തിരൂര്‍: ഏഴൂര്‍ എം.ഡി.പി.എസ് യു.പി സ്‌കൂള്‍ വാര്‍ഷികാഘോഷവും യാത്രയയപ്പ് സമ്മേളനവും സി. മമ്മൂട്ടി എം.എല്‍.എ ഉദ്ഘാടനം ചെയ്തു. നഗരസഭാ ചെയര്‍മാന്‍ അഡ്വ: എസ് ഗിരീഷ് അധ്യക്ഷനായി. പി.എസ്.സി ചെയര്‍മാന്‍ അഡ്വ: എം.കെ സക്കീര്‍ മുഖ്യാതിഥിയായി.
പ്രധാനാധ്യാപകന്‍ കെ.സി ജോര്‍ജ്ജ്, ഇ.എ പൗലോസ്, പി. കുഞ്ഞിമൊയ്തീന്‍ എന്നിവര്‍ക്കും സര്‍വിസില്‍ നിന്ന് സ്വയം വിരമിക്കാന്‍ തീരുമാനിച്ച ടി.കെ മുഹമ്മദ് ബഷീറിനും യാത്രയയപ്പ് നല്‍കി. ഗായകന്‍ ഫിറോസ് ബാബു സാംസ്‌കാരിക പ്രഭാഷണം നടത്തി. സ്‌കൂള്‍ മാനേജര്‍ കെ.കുഞ്ഞിമൊയ്തീന്‍കുട്ടി ഹാജി, നഗരസഭാ വൈസ് ചെയര്‍പേഴ്‌സണ്‍ മുനീറ, സ്ഥിരം സമിതി അധ്യക്ഷ ഗീത പള്ളിയേരി, കൗണ്‍സിലര്‍മാരായ പി.കോയ, ഐ.പി ഷാജിറ, കെ.സക്കീന, സി. സാബിറ, സി.കെ അബ്ദുല്‍ ഖാദര്‍, പി.ടി.എ പ്രസിഡന്റ് റഹിം മേച്ചേരി,കെ. മുഹമ്മദ് അബ്ദുറഹ്മാന്‍ ഹാജി, വി.അബ്ദുല്‍ ഗഫൂര്‍, എ. സെയ്താലിക്കുട്ടി, സി.വി വിമല്‍കുമാര്‍, സി.നജ്ബുദ്ദീന്‍, എ.കെ ഹുസൈന്‍, ടി. ശ്രീശാന്ത് സംസാരിച്ചു.
മിമിക്‌സ് കാരിക്കേച്ചര്‍ ഷോയും വിദ്യാര്‍ഥികളുടെ വിവിധ കലാപരിപാടികളും അരങ്ങേറി.