ഇളംദേശം: റോഡ് മുറിച്ചുകടക്കുമ്പോള്‍ സുരക്ഷ ഉറപ്പാക്കാന്‍ വിദ്യാര്‍ഥികള്‍ സ്‌കൂളിനുമുന്നില്‍ സീബ്രാ ലൈന്‍ വരച്ചു. ഇളംദേശം സെന്റ് ജോസഫ്‌സ് എല്‍പി സ്‌കൂളിലെ കുട്ടികളും പിടിഎയും ചേര്‍ന്നാണ് ലൈന്‍ വരച്ചത്.
നൂറ്റിയന്‍പതോളം കുട്ടികള്‍ പഠിക്കുന്ന സ്‌കൂളിന്റെ പരിസരത്ത് സിഗ്നല്‍ ബോര്‍ഡുകളോ തൊട്ടടുത്തുള്ള വെയിറ്റിങ് ഷെഡിലേക്ക് പോകാന്‍ റോഡ് മുറിച്ചുകടക്കുന്നിടത്ത് സീബ്രാ ലൈനോ ഇല്ലാത്തത് ചൂണ്ടിക്കാട്ടി അധികൃതരെ സമീപിച്ചെങ്കിലും ഫലമുണ്ടായില്ല.
വാഹനങ്ങള്‍ അതിവേഗം കടന്നുപോകുന്ന സാഹചര്യം പരിഗണിച്ചാണ് സ്ൂള്‍ ഹെഡ്മാസ്റ്റര്‍ ലംബൈ മാത്യു, പിടിഎ പ്രസിഡന്റ് ജോര്‍ജ് ജോസഫ്, അധ്യാപകര്‍ എന്നിവരുടെ നേതൃത്വത്തില്‍ കുട്ടികള്‍ താല്‍ക്കാലിക സീബ്രാ ലൈന്‍ നിര്‍മിച്ചത്.