തളിപ്പറമ്പ്: കേയി സാഹിബ് ട്രെയിനിങ് കോളജിന്റെ ആഭിമുഖ്യത്തില്‍ സംഘടിപ്പിച്ച സര്‍വകലാശാലതല ഇന്റര്‍ ബി.എഡ് കോളജ് അത്‌ലറ്റിക് മീറ്റില്‍ 52പോയിന്റ് നേടി മാനന്തവാടി കോളജ് ചാംപ്യന്മാരായി. 52 പോയിന്റുമായി ബി.എഡ് സെന്റര്‍ കാസര്‍കോഡ് രണ്ടാം സ്ഥാനവും 48 പോയിന്റുമായി കേയിസാഹിബ് ട്രെയിനിങ് കോളജ് മൂന്നാം സ്ഥാനവും നേടി. പുരുഷ വിഭാഗത്തില്‍ മാനന്തവാടി ട്രെയിനിങ് കോളജ് ഒന്നാമതായി. കാസര്‍കോട് രണ്ടാം സ്ഥാനവും സൈനബ് മെമ്മോറിയല്‍ കോളജ് മൂന്നാം സ്ഥാനവും നേടി. വനിതാ വിഭാഗത്തില്‍ 47 പോയിന്റ് നേടി കേയി സാഹിബ് ട്രെയിനിങ് കോളജ് ഒന്നാം സ്ഥാനവും കാസര്‍കോട് കോളജ് രണ്ടാം സ്ഥാനവും മാനന്തവാടി കോളജ് മൂന്നാം സ്ഥാനവും കരസ്ഥമാക്കി. മീറ്റ് കണ്ണൂര്‍ സര്‍വകലാശാല കായിക വിഭാഗം മേധാവി ഡോ. പി.ടി ജോസഫ് ഉദ്ഘാടനം ചെയ്തു. സമാപന ചടങ്ങില്‍ കോളജ് മാനേജര്‍ പി.സി.പി മഹമൂദ് ഹാജി ട്രോഫികള്‍ വിതരണം ചെയ്തു.