ചവറ: രക്ഷിതാക്കളെയും കുട്ടികളെയും ആദരിച്ച് ചവറ ഹയര്‍ സെക്കന്‍ഡറി സ്‌ക്കൂള്‍ മാതൃകയായി.
ഇക്കഴിഞ്ഞ പ്ലസ്ടു പരീക്ഷയില്‍ 90 ശതമാനത്തിനു മുകളില്‍ മാര്‍ക്ക് വാങ്ങിയ വിദ്യാര്‍ഥികളെ അനുമോദിക്കുകയും ഇവരുടെ മാതാപിതാക്കളെ ആദരിച്ചുമാണ് സ്‌ക്കൂള്‍ അധികൃതര്‍ മാതൃകയായത്.
ചടങ്ങ് എന്‍. വിജയന്‍ പിള്ള എം.എല്‍.എ ഉദ്ഘാടനം ചെയ്തു. സ്‌ക്കൂള്‍ മാനേജ്‌മെന്റ് കമ്മിറ്റി ചെയര്‍മാന്‍ വര്‍ഗീസ് എം കൊച്ചുപറമ്പില്‍ അധ്യക്ഷനായി. ജില്ലാ പഞ്ചായത്ത് മെമ്പര്‍ എസ് ശോഭ, ഗ്രാമ പഞ്ചായത്ത് മെമ്പര്‍ അനില്‍ പുത്തേഴം, പി.ടി.എ വൈസ് പ്രസിഡന്റ് സിന്ധു മോള്‍, എം.പി.ടി.എ പ്രസിഡന്റ് പുഷ്പകുമാരി, അയ്യപ്പന്‍ പിള്ള, പ്രിന്‍സിപ്പല്‍ ജെ. ഷൈല, പ്രഥമധ്യാപകന്‍ ശശാങ്കദന്‍, അധ്യാപകരായ എസ്. നൗഷാദ്, ജീഷ്, രക്ഷിതാക്കള്‍, വിദ്യാര്‍ഥികള്‍ സംസാരിച്ചു.