ബംഗളൂരു: കഴിഞ്ഞ 12ന് നിയമസഭാ തെരഞ്ഞെടുപ്പ് കഴിഞ്ഞ കര്‍ണാടകയില്‍ എട്ട് വിവിപാറ്റ് ഉപകരണങ്ങള്‍ ഷെഡ്ഡില്‍ ഉപേക്ഷിച്ച നിലയില്‍. ബീജാപുര്‍ ജില്ലയിലെ വിജയപുരയിലാണ് സംഭവം.

ഒരു തൊഴിലാളിയുടെ വീട്ടിലെ ഷെഡ്ഡില്‍ നിന്നാണ് ഉപകരണങ്ങള്‍ കണ്ടെടുത്തത്. സംഭവത്തില്‍ കേസെടുത്ത് അന്വേഷണം ആരംഭിച്ചതായി പൊലിസ് പറഞ്ഞു.

ബാറ്ററികള്‍ ഇല്ലാതെ വിവിപാറ്റ് ഉപകരണത്തിന്റെ പെട്ടികളാണ് കണ്ടെടുത്തത്. തൊഴിലാളികള്‍ വസ്ത്രം ഇട്ടു സൂക്ഷിക്കുന്ന നിലയിലായിരുന്നു ഇവ. സംഭവത്തില്‍ അന്വേഷണം നടത്തുന്നതായി കര്‍ണാടക മുഖ്യ തെരഞ്ഞെടുപ്പ് ഓഫിസറും അറിയിച്ചു.