പട്ടാമ്പി: എസ്.കെ.എസ്.എസ്.എഫ് ജില്ലാ സമ്മേളനത്തിന്റെ ഭാഗമായി നടത്തപ്പെടുന്ന ജില്ലാറാലിക്ക് ഏപ്രില്‍ നാലിന് മേഖലയിലെ പട്ടാമ്പിയിലും വല്ലപ്പുഴയിലും സ്വീകരണം നല്‍കാനും വന്‍ വിജയമാക്കുവാനും മേഖലാ കമ്മിറ്റി യോഗത്തില്‍ തീരുമാനിച്ചു.
യോഗം എസ്.വൈ.എസ് പട്ടാമ്പി മണ്ഡലം സെക്രട്ടറി ഹസ്സന്‍ സഖാഫ് തങ്ങള്‍ ഉദ്ഘാടനം ചെയ്തു. മേഖലാ പ്രസിഡന്റ് ഹാശിം തങ്ങള്‍ അധ്യക്ഷനായി.
എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ശിഹാബുദ്ദീന്‍ ജിഫ്രി തങ്ങള്‍ മുഖ്യപ്രഭാഷണം നടത്തി. ആരിഫ് ഫൈസി ചര്‍ച്ചക്ക് നേതൃത്വം നല്‍കി.
ബഷീര്‍ കോഴിക്കോട്ടിരി, ഹബീബുള്ള മാസ്റ്റര്‍, ഇബ്രാഹിം ഫൈസി, അബ്ദുറഹ്്മാന്‍ മരുതൂര്‍, നൗഫല്‍ പട്ടാമ്പി, നിഷാദ്, ഹിദായത്തുള്ള അന്‍വരി, ഹക്കീം അന്‍വരി സംസാരിച്ചു.