മലപ്പുറം: എസ്.കെ.എസ്.എസ്.എഫ് ട്രെന്റ് ജില്ലാ സമിതിയുടെ ട്രെയിനേഴ്‌സ് വര്‍ക്‌ഷോപ്പ് 26ന് മലപ്പുറം മേല്‍മുറി എം.എം.ഇ.ടി ഹയര്‍ സെക്കന്‍ഡറി സ്‌കൂളില്‍ നടക്കും. ജില്ലയിലെ മുഴുവന്‍ മേഖലകളില്‍ നിന്നും തെരഞ്ഞെടുക്കപ്പെട്ട ട്രെയിനര്‍മാര്‍ സംബന്ധിക്കും. ടീന്‍ ടീം, കുരുന്നുകൂട്ടം, കരിയര്‍ തുടങ്ങിയ വിവിധ സെഷനുകള്‍ നടക്കും. ഷാഹുല്‍ ഹമീദ് മേല്‍മുറി, ശഹീര്‍ അന്‍വരി പുറങ്ങ്, ജലീല്‍ മാസ്റ്റര്‍ പട്ടര്‍കുളം, ശംസാദ് സലീം പൂവ്വത്താണി സംബന്ധിക്കും. സുന്നി മഹലില്‍ ചേര്‍ന്ന ജില്ലാസമിതി യോഗം സൈനുല്‍ ആബിദ് കരുവാരക്കുണ്ട് ഉദ്ഘാടനം ചെയ്തു. ശാഫി മാസ്റ്റര്‍ ആട്ടീരി അധ്യക്ഷനായി. റഫീഖ് കന്‍മനം, അനസ് പൂക്കോട്ടൂര്‍, ജൗഹര്‍ കാളമ്പാടി, അലി അക്ബര്‍ ചേളാരി, അബ്ദുറഹ്്മാന്‍ കാളമ്പാടി സംസാരിച്ചു.