മലപ്പുറം: യു.ഡി.എഫ് നിയോജക മണ്ഡലം കണ്‍വെന്‍ഷനുകള്‍ക്ക് ഇന്നു തുടക്കമാകും. മങ്കട നിയോജക മണ്ഡലത്തില്‍ ഇന്നു വൈകിട്ട് മൂന്നിനാണ് പ്രഥമ കണ്‍വന്‍ഷന്‍ ആരംഭിക്കുക. തിരൂര്‍ വാവാസ് ഓഡിറ്റോറിയത്തിലാണ് കണ്‍വന്‍ഷന്‍ നടക്കുന്നത്.
വൈകിട്ട് നാലിനു കൊണ്ടോട്ടി മണ്ഡലം കണ്‍വെന്‍ഷന്‍ മോയിന്‍കുട്ടി വൈദ്യര്‍ സ്മാരക ഓപ്പണ്‍ ഓഡിറ്റോറിയത്തില്‍ നടക്കും. ഏഴിനു വേങ്ങര മണ്ഡലം കണ്‍വെന്‍ഷന്‍ പത്തുമൂച്ചിക്കല്‍ ഓഡിറ്റോറിയത്തില്‍ നടക്കും. മലപ്പുറം മണ്ഡലം കണ്‍വന്‍ഷന്‍ ഏഴിനു വള്ളുവമ്പ്രം അരോമ ഓഡിറ്റോറിയത്തില്‍ നടക്കും. നാളെ വൈകിട്ട് നാലിനു പെരിന്തല്‍മണ്ണ മണ്ഡലം കണ്‍വന്‍ഷന്‍ പടിപ്പുര സ്റ്റേഡിയത്തില്‍ നടക്കും. മഞ്ചേരി മണ്ഡലം ടൗണ്‍ഹാളില്‍ നടക്കും. വള്ളിക്കുന്ന് മണ്ഡലം കണ്‍വന്‍ഷന്‍ ഏഴിനു താഴെ ചേളാരിയില്‍ നടക്കും.