സീയൂള്‍: ഉത്തരകൊറിയ നടത്തിയ പുതിയ മിസൈല്‍ പരീക്ഷണം പരാജയമായിരുന്നുവെന്ന് ദക്ഷിണ കൊറിയ. ദക്ഷിണകൊറിയന്‍ പ്രതിരോധവകുപ്പാണ് ഇക്കാര്യം വെളിപ്പെടുത്തിയത്. യു.എസ് ഔദ്യോഗിക വൃത്തങ്ങളും ഇക്കാര്യം റിപ്പോര്‍ട്ടു ചെയ്തിട്ടുണ്ട്.

ദക്ഷിണകൊറിയയും യു.എസും ഉത്തരകൊറിയയുടെ മിസൈല്‍ പരീക്ഷണങ്ങളെ ജാഗ്രതയോടെയാണ് നോക്കികാണുന്നതെന്നും ദക്ഷിണകൊറിയന്‍ പ്രതിരോധമന്ത്രാലയം അറിയിച്ചു. എന്നാല്‍ എതുതരത്തിലുള്ള മിസൈലുകളാണ് ഉത്തരകൊറിയ പരീക്ഷിച്ചതെന്ന് അറിയാന്‍ സാധിച്ചിട്ടില്ലെന്നും ദക്ഷിണകൊറിയന്‍ പ്രതിനിധി വ്യക്തമാക്കി.

ഉത്തരകൊറിയ രണ്ടാഴ്ച മുന്‍പും നാല് മിസൈലുകള്‍ പരീക്ഷിച്ചിരുന്നു.