അഗളി: പാലക്കാട്, മലപ്പുറം ജില്ലകളില്‍ കഞ്ചാവ് ചില്ലറ വില്‍പനക്കാര്‍ക്ക് മൊത്തമായി എത്തിച്ചു കൊടുക്കുന്ന വട്ടലക്കി സ്വദേശി രാജേന്ദ്രനെ(40)യും സഹായി രവി(37)യേയും അഗളി പൊലിസ് അറസ്റ്റ് ചെയ്തു. അഗളി ഡിവൈ.എസ്.പി സുബ്രഹ്മണ്യനു ലഭിച്ച രഹസ്യവിവരത്തിന്റെ അടിസ്ഥാനത്തില്‍ നടത്തിയ വാഹന പരിശോധനയിലാണ് ഇരുവരും പൊലിസ് പിടിയിലായത്.
പൊലിസ് ഇവരില്‍ നിന്നും 3.750 ഗ്രാം കഞ്ചാവും കണ്ടെടുത്തു. രാജേന്ദ്രന്റെ അമ്മയെ ഒരു വര്‍ഷം മുന്‍പ് രണ്ടു കിലൊ കഞ്ചാവുമായി അഗളി പൊലിസ് അറസ്റ്റ് ചെയ്തിരുന്നു.
അന്നു മുതല്‍ രാജേന്ദ്രനെയും പൊലിസ് നിരീക്ഷിച്ചുവരികയായിരുന്നു.
അഗളി എസ്.ഐ സുബിന്‍, എ.എസ്.ഐ അബ്ദുല്‍നജീബ്, സി.പി.ഒ മാരായ പ്രിന്‍സ്, ശ്യാംകുമാര്‍, ശ്രീരാജ്, സൈഫുദ്ധീന്‍, ബിനു, രാമകൃഷ്ണന്‍ അടങ്ങുന്ന സംഘമാണ് പ്രതികളെ അറസ്റ്റ് ചെയ്തത്. പ്രതികളെ ഇന്നു കോടതിയില്‍ ഹാജരാക്കും