ചേലക്കര: കുളിപ്പിക്കുന്നതിനിടെ ഇടഞ്ഞ കൊമ്പന്‍ കുറ്റിക്കാട്ടിലേക്ക് ഓടി കയറിയത് തടിച്ച് കൂടിയ നാട്ടുകാരില്‍ പരിഭ്രാന്തി സൃഷ്ടിച്ചു.നന്തിലത്ത് ഗോപി കണ്ണന്‍ എന്ന ആനയാണ് ഇന്നലെ ഉച്ചയ്ക്ക് ഏച്ചാടിയുള്ള പാപ്പാന്റെ വീട്ടില്‍ നിന്നും ഇടഞ്ഞോടിയത്. പാപ്പാന്റെ വീട്ടിലാണ് ആനയെ തളച്ചിരുന്നത്. കുളിപ്പിക്കുന്നതിനിടെ ഇടഞ്ഞ ആന കുറ്റിക്കാട്ടിലേക്കും സമീപത്തെ പാറപ്പുറത്തേക്കും കയറി നിലഉറപ്പിച്ചു. പാപ്പാന്‍മാരുടെ സംഘം എത്തി ആനയെ തളച്ചു.