തളിപ്പറമ്പ്: ഉണ്ടപ്പറമ്പില്‍ നടക്കുന്ന കരീബിയന്‍സ് ഫുട്‌ബോള്‍ മത്സരത്തില്‍ ഹിറ്റാച്ചി എഫ്.സി തൃക്കരിപ്പൂര്‍ വിജയിച്ചു. ഇരു ടീമുകളും ഓരോ ഗോള്‍ വീതം നേടി സമനിലയിലായിരുന്നു. പെനാല്‍ട്ടി ഷൂട്ടൗട്ടിലാണ് വിജയിയെ തീരുമാനിച്ചത്. ആദ്യ പകുതിയില്‍ കളി ഗോള്‍രഹിത സമനിലയില്‍ അവസാനിച്ചു.
രണ്ടാം പകുതിയില്‍ ഉഷ എഫ്.സി തൃശ്ശൂരിന്റെ അലക്‌സി നേടിയ ഗോളിന്റെ ആധിപത്യം അവസാനിക്കുന്നത് രണ്ടാം പകുതിയില്‍ കളി അവസാനിക്കുന്നതിന് നിമിഷങ്ങള്‍ മാത്രം ശേഷിക്കേ ഹിറ്റാച്ചി എഫ്.സി തൃക്കരിപ്പൂരിന്റെ സജേഷ് നേടിയ ഗോളിലാണ്. പെനാല്‍ട്ടി ഷൂട്ടൗട്ടില്‍ ഉഷ എഫ്.സി തൃശ്ശൂരിന്റെ സാമയുടെ ഷോട്ട് ഗോള്‍ പോസ്റ്റിന് പുറത്തേക്ക് പോയത് വിജയം ഹിറ്റാച്ചി എഫ്.സി തൃക്കരിപ്പൂരിനോട് ചേര്‍ത്തു നിര്‍ത്തി. പിന്നീടുള്ള ഷോട്ടുകള്‍ ലക്ഷ്യം കണ്ടപ്പോള്‍ ഹിറ്റാച്ചി എഫ്.സി തൃക്കരിപ്പൂര്‍ വിജയം ഉറപ്പിച്ചു. ഇന്ന് സെബിന്‍ കോട്ടക്കലും ടോപ്പ്‌മോസ്റ്റ് തലശ്ശേരിയും ഏറ്റുമുട്ടും.