പുല്‍പ്പള്ളി: കേരള-കര്‍ണ്ണാടക വനാതിര്‍ത്തിയിലെ കന്നാരം പുഴയോരത്ത് കാട്ടാനയെ ചരിഞ്ഞ നിലയില്‍ കണ്ടെത്തി. ഏകദേശം പത്ത് വയസ്സ് പ്രായം തോന്നിക്കുന്ന ചുള്ളിക്കൊമ്പനെ ചരിഞ്ഞ നിലയില്‍ ഇന്നലെ രാവിലെ പ്രദേശവാസികളാണ് കണ്ടത്.
തുടര്‍ന്ന് കര്‍ണ്ണാടകയിലെ ഉന്നത വനംവകുപ്പ് ഉദ്യോഗസ്ഥരുടെ നേതൃത്വത്തില്‍ ആനയുടെ ജഡം പോസ്റ്റുമോര്‍ട്ടം ചെയ്തു. തീറ്റയും വെള്ളവും തേടി ബന്ദിപ്പൂര്‍ വനമേഖലയില്‍ നിന്നും കാട്ടാനകള്‍ കൂട്ടത്തോടെ എത്തിത്തുടങ്ങിയതോടെ ചാമപ്പാറയടക്കമുള്ള പ്രദേശങ്ങളില്‍ കാട്ടാനശല്യം രൂക്ഷമായിരിക്കുകയാണ്. ആന ചരിഞ്ഞ സംഭവവുമായി ബന്ധപ്പെട്ട് വനംവകുപ്പിലെ ഉന്നത ഉദ്യോഗസ്ഥരുടെ നേതൃത്വത്തില്‍ അന്വേഷണം ആരംഭിച്ചിട്ടുണ്ട്.