തിരുവനന്തപുരം: നിപാ വൈറസ് ബാധിച്ചവരെ ശുശ്രൂഷിച്ച് അസുഖ ബാധിതയായി മരണമടഞ്ഞ പേരാമ്പ്ര താലൂക്ക് ആശുപത്രിയിലെ നഴ്‌സ് ലിനിയുടെ കുടുംബത്തെ സംരക്ഷിക്കാനുള്ള എല്ലാ കാര്യങ്ങളും സര്‍ക്കാര്‍ ചെയ്യുമെന്ന് ആരോഗ്യ മന്ത്രിയുടെ ഓഫിസ് അറിയിച്ചു.
ഇതു സംബന്ധിച്ച കാര്യങ്ങള്‍ ഇന്നു ചേരുന്ന മന്ത്രിസഭായോഗം ചര്‍ച്ച ചെയ്യും. ലിനിയുടെ ഭര്‍ത്താവായ സജീഷിനെ മന്ത്രി കെ.കെ ശൈലജ ഫോണില്‍ വിളിച്ച് സര്‍ക്കാരിന്റെ പിന്തുണ അറിയിച്ചിട്ടുണ്ട്. ലിനിയുടെ മരണം ആരോഗ്യ വകുപ്പിനു വലിയ നഷ്ടമാണെന്നും ലിനിയുടെ കുടുംബത്തിന്റെ ദുഃഖത്തില്‍ പങ്കുചേരുന്നതായും മന്ത്രി അറിയിച്ചു.