കല്‍പേനി: ''കരുതിവെക്കാം ജീവന്റെ തുള്ളികള്‍ നാളേക്കായ്'' എന്ന പ്രമേയത്തില്‍ നടക്കുന്ന സമസ്ത കേരള സുന്നി ബാലവേദി ജലദിന ക്യാംപയിന്‍ കല്‍പേനി യൂനിറ്റ് തല ഉദ്ഘാടനം കല്‍പേനിയിലെ നൂറുല്‍ ഹുദാ ഹയര്‍ സെക്കണ്ടറി മദ്‌റസ ഗ്രൗണ്ടില്‍ എസ്.ഡി.ഒ. എ പി ആറ്റക്കോയ ഹാജി ഉദ്ഘാടനം ചെയ്തു.നൂറുല്‍ ഹുദാ മദ്രസ സ്വദര്‍ മുഅല്ലിം സൈദ് ശൈകോയ അധ്യക്ഷനായി. നൂറുല്‍ ഹുദാ തഹ്ഫീളുല്‍ ഖുര്‍ആന്‍ കോളജ് ഉസ്താദ് ഹാഫിള് മുസ്തഫ ബാഖവി പ്രമേയ പ്രഭാഷണവും നടത്തി. നൂറുല്‍ ഹുദ മദ്രസ വൈസ് പ്രസിഡന്റ് ഹബീബ് പള്ളിയോട തണ്ണീര്‍ പന്തല്‍ ഉദ്ഘാടനവും എസ് ബി വി പ്രസിഡന്റ് എം കെ നാദിര്‍ ഖാന്‍ പ്രതിജ്ഞയും നിര്‍വ്വഹിച്ചു. അഷ്‌റഫ് ദാരിമി, ഇബ്‌റത്ത് ഖാന്‍ ബാഖവി, അബ്ദുല്‍ ഹകീം,പി  നസീര്‍,എസ് ബി വി സെക്രട്ടറി സയ്യിദ് റഈസ് തുടങ്ങിയവര്‍ സംസാരിച്ചു.