ബ്യൂണസ് അയേഴ്‌സ്: ലോകകപ്പ് യോഗ്യതാ മത്സരങ്ങളില്‍ തെക്കേ അമേരിക്കന്‍ കരുത്തരായ ബ്രസീലിനും അര്‍ജന്റീനക്കും വിജയം. ബ്രസീല്‍ 4-1ന് ഉറുഗ്വേയെ തോല്‍പ്പിച്ചപ്പോള്‍ മെസ്സിയുടെ ഗോളില്‍ ഏക ഗോളിന് ചിലിയെ അര്‍ജന്റീന തോല്‍പ്പിച്ചു. ബ്രസീലിന് വേണ്ടി പൗലീഞ്ഞോ ഹാട്രിക് നേടി.

മത്സരത്തില്‍ ഒമ്പതാം മിനുറ്റില്‍ കവാനിയാണ് ഉറുഗ്വേയുടെ ആശ്വാസ ഗോള്‍ കണ്ടത്. 19,52,90 മിനുറ്റുകളില്‍ പൗലീഞ്ഞോ ലക്ഷ്യം കണ്ടപ്പോള്‍ നാലാം ഗോള്‍ 74ാം മിനുറ്റില്‍ നെയ്മര്‍ നേടി.

16ാം മിനുറ്റില്‍ ചിലിക്കെതിരേ ലഭിച്ച പെനാല്‍റ്റി അര്‍ജന്റീനയ്ക്ക് വേണ്ടി മെസ്സി വിജയഗോളാക്കി മാറ്റി.