ഹൈദരാബാദ്: ബി.ജെ.പി നേതാവും മുന്‍ കേന്ദ്രമന്ത്രിയുമായ ബന്ദാരു ദത്താത്രേയയുടെ മകന്‍ ബന്ദാരു വൈഷ്ണവ് (21) മരിച്ചു. ഹൃദയാഘാതത്തെ തുടര്‍ന്ന് കഴിഞ്ഞ ദിവസം പുലര്‍ച്ചെയയിരുന്നു അന്ത്യം. മെഡിക്കള്‍ വിദ്യാര്‍ഥിയായിരുന്നു വൈഷ്ണവ്. കുടുംബത്തോടൊപ്പം കഴിഞ്ഞ ദിവസം രാത്രി അത്താഴം കഴിക്കവെ കുഴഞ്ഞ് വീണ വൈഷ്ണവിനെ ഉടന്‍ തന്നെ ആശുപത്രിയില്‍ എത്തിക്കുകയായിരുന്നു. യുവാവിനെ പരിശോധിച്ച ഡോക്ടര്‍മാര്‍ കുഴപ്പമൊന്നുമില്ലെന്നും വീട്ടില്‍ പോകാമെന്ന് അറിയിക്കുകയും ചെയ്തു. എന്നാല്‍ രാത്രി 12.30 ഓടുകൂടിഹൃദയ സ്തംഭനം സംഭവിക്കുകയായിരുന്നു.
ഹൃദ്രോഗി കൂടിയായ ബന്ദാരു ദത്താത്രേയയെ രാവിലെയാണ് മകന്റെ മരണ വാര്‍ത്ത അറിയിച്ചത്.