മലപ്പുറം: എല്‍.ഡി.എഫ്സ്ഥാനാര്‍ഥി എം.ബി ഫൈസല്‍ ഇന്നലെ മങ്കട, മലപ്പുറം മണ്ഡലങ്ങളിലെ വിവിധ പ്രദേശങ്ങളില്‍ വോട്ടഭ്യര്‍ഥിച്ചു.
രാവിലെ എട്ടിന് മൂര്‍ക്കനാട് കല്ലുവെട്ടുകുഴിയില്‍നിന്ന് ആരംഭിച്ചു. പടിഞ്ഞാറ്റുംപുറം, വെങ്ങാട് ഓമപ്പുട, കുറുപ്പത്താല്‍, മക്കരപ്പറമ്പ്, കെ.കെ അങ്ങാടി എന്നിവിടങ്ങളില്‍ വോട്ടഭ്യര്‍ഥിച്ച ശേഷം കൂട്ടിലങ്ങാടി ടൗണില്‍ സമാപിച്ചു. ഉച്ചക്കുശേഷം മലപ്പുറം ഗവ. വനിതാ കോളജിലെത്തി വിദ്യാര്‍ഥികളോടും അധ്യാപകരോടും തുടര്‍ന്ന് കോട്ടപ്പടി മാര്‍ക്കറ്റിലും പരിസരങ്ങളിലും വോട്ടഭ്യര്‍ഥിച്ചു.