മുബൈ: അന്ധേരിയിലെ കെട്ടിടത്തിലുണ്ടായ തീപിടിത്തത്തില്‍ എട്ടുപേര്‍ മരിച്ചു. ഗുരുതരമായി പൊള്ളലേറ്റ ഒരാളെ ആശുപത്രിയില്‍ പ്രവേശിപ്പിച്ചിരിക്കുകയാണ്. രാവിലെ 5.15 ഓടെയായിരുന്നു സംഭവം.

കെട്ടിടത്തിലെ താഴേ നിലയിലെ മെഡിക്കല്‍ സ്‌റ്റോറിലുണ്ടായ തീപിടിത്തം മുകളിലെ നിലകളിലേക്ക് വ്യാപിക്കുകയായിരുന്നു. ഒന്നാം നിലയില്‍ താമസിച്ചിരുന്ന കുടുംബത്തിലെ അംഗങ്ങളാണ് മരിച്ചത്.

ഷോട്ട് സര്‍ക്യൂട്ടാണ് അപകട കാരണമെന്നാണ് പൊലിസിന്റെ പ്രാഥമിക നിഗമനം. അഗ്നിശമന സേന എത്തിയാണ് തീ നിയന്ത്രണ വിധേയമാക്കിയത്.