തിരുവനന്തപുരം: കേരളത്തിലെ ഇടതു സര്‍ക്കാര്‍ പൂര്‍ണപരാജയമാണെന്ന് സി.പി.എം ജനറല്‍ സെക്രട്ടറി സീതാറാം യെച്ചൂരിയും സമ്മതിച്ചുവെന്ന് പ്രതിപക്ഷ നേതാവ് രമേശ് ചെന്നിത്തല പ്രസ്താവനയില്‍ പറഞ്ഞു. പ്രതിപക്ഷം പറഞ്ഞുകൊണ്ടിരുന്ന കാര്യമാണ് ഇപ്പോള്‍ യെച്ചൂരിയും സമ്മതിച്ചത്. തെറ്റ് തിരുത്തുമെന്ന് സി.പി.എം സെക്രട്ടേറിയറ്റ് യോഗത്തില്‍ മുഖ്യമന്ത്രി പിണറായി വിജയന്‍ ഏറ്റുപറയുന്നുണ്ടെങ്കിലും ഒരിക്കലും തെറ്റുതിരുത്താന്‍ തയാറായിട്ടില്ല. തെറ്റുകളില്‍ നിന്ന് തെറ്റുകളിലേക്കായിരുന്നു സര്‍ക്കാരിന്റെ യാത്രയെന്നും അദ്ദേഹം പറഞ്ഞു. ഭരണം മാറിയെന്നു ജനങ്ങള്‍ക്ക് അനുഭവപ്പെടുന്നില്ലെന്ന സി.പി.എം സെക്രട്ടേറിയറ്റിന്റെ വിലയിരുത്തല്‍ ശരിയല്ല. ജനങ്ങള്‍ക്ക് ഭരണമാറ്റം നന്നായി അനുഭവപ്പെടുന്നുണ്ടെന്നും ചെന്നിത്തല പരിഹസിച്ചു.