മാഹി: മുസ്‌ലിം ലീഗ് മാഹി ജില്ലാ കമ്മിറ്റി പിരിച്ചുവിട്ടതായി പുതുച്ചേരി സംസ്ഥാന അധ്യക്ഷന്‍ അഹമ്മദ് ജവാഹിര്‍ പത്രക്കുറിപ്പില്‍ അറിയിച്ചു.
ഭൂരിപക്ഷം ഭാരവാഹികളും രാജിവയ്ക്കുകയും അവശേഷിക്കുന്നവര്‍ നിര്‍ജീവമാകുകയും ചെയ്ത
സാഹചര്യത്തില്‍ ദേശീയ പ്രസിഡന്റ് പ്രൊഫ. കെ.എച്ച് കാദര്‍ മൊയ്തീന്റെ നിര്‍ദേശപ്രകാരമാണ് മാഹി ഘടകം പിരിച്ചുവിട്ടത്.
അഞ്ചുദിവസത്തിനകം മാഹിയില്‍ അഡ്‌ഹോക് കമ്മിറ്റി നിലവില്‍ വരുമെന്നും എസ് അഹമ്മദ് ജവാഹിര്‍ അറിയിച്ചു.