കൊല്ലം: ആഞ്ചലോസ് വധക്കേസില്‍ മൂന്ന് പ്രതികള്‍ക്ക് ജീവപര്യന്തം തടവ് ശിക്ഷ വിധിച്ചു. മണ്‍ട്രോതുരുത്ത് പള്ളിച്ചേരിക്കടവ് മാമൂട്ടികടവ് വീട്ടില്‍ തോമസ് (27), തേവലക്കര അരിനല്ലൂര്‍ സ്വദേശികളായ കാരംകോട് പടിഞ്ഞാറ്റതില്‍ ബിജു (30), വടക്ക് കിഴക്കതില്‍ സാബു (30) എന്നിവരെയാണ് കൊല്ലം അഡീഷണല്‍ ഡിസ്ട്രിക്ട് സെക്ഷന്‍സ് കോടതി ശിക്ഷിച്ചത്.
2017 മാര്‍ച്ച് മൂന്നിന് തേവലക്കര അരിനല്ലൂര്‍ ആഞ്ചലോസ് ഭവനില്‍ ആഞ്ചലോസിനെയാണ് കൊലപ്പെടുത്തിയത്. പ്രതികളുടെ അനധികൃത മദ്യവാറ്റിനും വ്യാജമദ്യ വില്‍പ്പനക്കുമെതിരെ ചവറ പൊലിസില്‍ പരാതി നല്‍കിയതാണ് കാരണം.