നീലേശ്വരം: കുന്നിടിച്ചു മണ്ണു നീക്കുകയായിരുന്ന മണ്ണു മാന്തി യന്ത്രം വില്ലേജ് ഓഫിസര്‍ പിടിച്ചെടുത്തു.
മടിക്കൈ പുളിക്കാലിലെ സ്വകാര്യവ്യക്തിയുടെ പറമ്പില്‍ നിന്നു മടിക്കൈ വില്ലേജ് ഓഫിസര്‍ എസ് സോവിരാജിന്റെ നേതൃത്വത്തിലുള്ള സംഘമാണു മണ്ണു മാന്തിയന്ത്രം പിടിച്ചത്.
കുന്നിടിച്ചു മണ്ണു നീക്കുന്ന വിവരം അറിഞ്ഞു റവന്യു സംഘം എത്തുമ്പോള്‍ സ്ഥലത്തുണ്ടായിരുന്ന ടിപ്പര്‍ ലോറി ഓടിച്ചു പോയി.
പിടിച്ചെടുത്ത മണ്ണു മാന്തി യന്ത്രം ആര്‍.ഡി.ഒയ്ക്കു കൈമാറി.
അനധികൃത മണ്ണു നീക്കത്തിനു സ്ഥലം വിട്ടു കൊടുത്ത സ്ഥലം ഉടമയ്‌ക്കെതിരേയും മണ്ണു മാന്തി യന്ത്രത്തിന്റെ ഉടമയ്‌ക്കെതിരേയും നടപടിക്കു റിപ്പോര്‍ട്ട് നല്‍കി.