കാസര്‍കോട്: പഴയ ചൂരി മുഹ്‌യുദ്ദീന്‍ മസ്ജിദില്‍ കൊല്ലപ്പെട്ട റിയാസ് മുസ്‌ലിയാരുടെ വധത്തിനു പിന്നിലെ പ്രതികളെ അറസ്റ്റു ചെയ്ത പൊലിസ് നടപടിയില്‍ മുസ്‌ലിം ലീഗ് നേതാക്കള്‍ അന്വേഷണ തലവന്‍ ക്രൈംബ്രാഞ്ച് എസ്.പി എ ശ്രീനിവാസനെ നേരില്‍ കണ്ട് അഭിനന്ദിച്ചു. പ്രതികളുടെ പേരില്‍ യു.എ.പി.എ ചുമത്തി കേസെടുക്കണമെന്നും കുറ്റകൃത്യത്തിനു പിന്നിലെ ക്രിമിനല്‍ ഗൂഢാലോചന അന്വേഷണ പരിധിയില്‍ ഉള്‍പ്പെടുത്തണമെന്നും നേതാക്കള്‍ എസ്.പിയോട് പറഞ്ഞു.
കുറ്റകൃത്യത്തിനു പ്രേരകമാകുന്ന രീതിയില്‍ സംസാരിച്ച സംഘ് പരിവാര്‍ നേതാക്കള്‍ക്കെതിരേ നിയമ നടപടി സ്വീകരിക്കണമെന്നും ഇവര്‍ അദ്ദേഹത്തോട് ആവശ്യപ്പെട്ടു.
ജില്ലാ നേതാക്കളായ എം.സി ഖമറുദ്ദീന്‍, എ അബ്ദുല്‍ റഹ്മാന്‍, എന്‍.എ. നെല്ലിക്കുന്ന് എം.എല്‍.എ, സി ഷുക്കൂര്‍ സംബന്ധിച്ചു.