മഞ്ചേരി: മലപ്പുറം മണ്ഡലം യു.ഡി.എഫ് സ്ഥാനാര്‍ഥി പി.കെ കുഞ്ഞാലിക്കുട്ടിയുടെ മഞ്ചേരി  മണ്ഡലത്തിലെ തെരഞ്ഞെടുപ്പ് പര്യടനം 29നും, ഏപ്രില്‍ അഞ്ചിനും നടക്കും. പര്യടനത്തിന് മുന്‍പ് മണ്ഡലത്തിലെ വിവിധ കേന്ദ്രങ്ങളില്‍ പി.കെ കുഞ്ഞാലിക്കുട്ടി സന്ദര്‍ശനം നടത്തും.
ഇന്ന് രാവിലെ ഒന്‍പത് മുതല്‍ 10.30 വരെ മഞ്ചേരി നഗരസഭയിലെ വിവിധ പ്രദേശങ്ങളിലും, 10.30 മുതല്‍ പാണ്ടിക്കാട് പഞ്ചായത്തിലെ കൊടശ്ശേരി, പാണ്ടിക്കാട് ടൗണ്‍, വള്ളുവങ്ങാട് എന്നിവിടങ്ങളിലും, 11.30 മുതല്‍ തൃക്കലങ്ങോട് പഞ്ചായത്തിലെ കൂമംകുളം, മഞ്ഞപ്പറ്റ, പുലത്ത്, കണ്ടാലപ്പറ്റ എന്നിവിടങ്ങളിലും സന്ദര്‍ശനം നടത്തും. വൈകിട്ട് ഏഴിന് എടപ്പറ്റ, കീഴാറ്റൂര്‍ എന്നിവിടങ്ങളിലെ തെരഞ്ഞെടുപ്പ് കണ്‍വന്‍ഷനുകളിലും പങ്കെടുക്കും.
മണ്ഡലം തെരഞ്ഞെടുപ്പ് ഉന്നതാധികാര സമിതി യോഗത്തില്‍ ചെയര്‍മാന്‍ ടി.പി വിജയകുമാര്‍ അധ്യക്ഷനായി. അഡ്വ. യു.എ ലത്തീഫ്, അഡ്വ.എം.ഉമ്മര്‍ എം.എല്‍.എ, വല്ലാഞ്ചിറ മുഹമ്മദലി, റഷീദ് പറമ്പന്‍, അഡ്വ.എന്‍.സി ഫൈസല്‍, അഡ്വ. എം.റഹ്മത്തുള്ള, ഹനീഫ മേച്ചേരി, അഡ്വ. അബൂസിദ്ദീഖ്, എം.അഹമ്മദ് നാണി, കണ്ണിയന്‍ അബൂബക്കര്‍, വല്ലാഞ്ചിറ ഹുസൈന്‍, എം.പി.എം ഇബ്രാഹീം കുരിക്കള്‍, അസീസ് ചീരാന്‍തൊടി, വി.പി ഫിറോസ്, വല്ലാഞ്ചിറ അബ്ദുല്‍ മജീദ്, ടി.എം നാസര്‍ എന്നിവര്‍ സംസാരിച്ചു.