ആന്റല്യ: ആര്‍ച്ചറി ലോകകപ്പിന്റെ രണ്ടാം ഘട്ടത്തിലെ പോരാട്ടങ്ങള്‍ക്ക് തുടക്കമായപ്പോള്‍ ഇന്ത്യക്ക് വെള്ളി, വെങ്കലം മെഡലുകള്‍. വനിതാ കോംപൗണ്ട് ടീമിനത്തില്‍ ജ്യോതി സുരേഖ വെന്നം, നുസ്‌കന്‍ കിരര്‍, ദിവ്യ ധയാല്‍ എന്നിവരടങ്ങിയ ടീം ഫൈനലില്‍ തോല്‍വി വഴങ്ങിയാണ് വെള്ളിയില്‍ ഒതുങ്ങിയത്. മൂന്ന് പോയിന്റ് വ്യത്യാസത്തില്‍ ഇന്ത്യന്‍ ടീം പൊരുതി വീഴുകയായിരുന്നു. കോംപൗണ്ട് മിക്‌സഡ് ടീമിനത്തിലാണ് ഇന്ത്യയുടെ വെങ്കലം. അഭിഷേക് വര്‍മ- ജ്യോതി സഖ്യം ബെല്‍ജിയം താരങ്ങളായ രജിനാല്‍ഡ് കൂള്‍സ്- സാറ പ്രീല്‍സ് സഖ്യത്തെ 158-155 എന്ന സ്‌കോറിന് പരാജയപ്പെടുത്തി.