ന്യൂഡല്‍ഹി: ടാക്‌സി വിളിക്കാനായി ഫോണ്‍ ചെയ്ത് കാത്തിരിക്കേണ്ട കാലമൊക്കെ കഴിഞ്ഞു. ഇപ്പോള്‍ ആപ്പ് വഴി ബുക്ക് ചെയ്താല്‍ നിങ്ങള്‍ക്കാവശ്യമുള്ള കാറുകള്‍ ഞൊടിയിടയില്‍ വീട്ടുമുറ്റത്തെത്തും. ഇതിനായി നിരവധി ആപ്പുകള്‍ പുറത്തിറങ്ങിയിട്ടുണ്ട്. ആ കൂട്ടത്തിലേക്കിതാ പുതിയ ഒരു ആപ്പു കൂടി. 'ബാക്‌സി' എന്ന പേരിലാണ് കഴിഞ്ഞ ദിവസം പുതിയ ആപ് പുറത്തിറക്കിയത്. ഡല്‍ഹി,ഗാസിയാബാദ്,ഗുര്‍ഗാം,മുംബൈ,പൂനെ,ചെന്നൈ, ബംഗളൂരു തുടങ്ങിയ നഗരങ്ങളിലാണ് ഇപ്പോള്‍ ഇതിന്റെ സേവനം ലഭിക്കുക.

റോഡരികിലെത്തിയുള്ള സേവനും കമ്മീഷന്‍ രഹിത രജിസ്‌ട്രേഷനും ഡ്രൈവറുടെ പൂര്‍ണ വിവരങ്ങളടങ്ങിയ പട്ടികയെല്ലാം ബാക്‌സിയുടെ പ്രത്യേകതകളാണ്. സാമ്പത്തിക പ്രതിസന്ധി കാരണം കഴിഞ്ഞ മാസം ഈ മേഖലയിലെ ഡ്രൈവര്‍മാരുടെ ജോലി സ്തംഭിച്ചിരുന്നു.
ഫിക്‌സഡ് പ്രൈസ് സമ്പ്രദായം മൂലമാണ് സാമ്പത്തിക നഷ്ടമുണ്ടായതെന്നാണ് സൂചന. ഇതിനകം 800 അപേക്ഷകള്‍ ബാക്‌സി സര്‍വീസിനായി ലഭിച്ചിട്ടുണ്ട്. ബാക്‌സിയുടെ സേവനം ഉടന്‍ ലഭ്യമാകും.