പാപ്പിനിശ്ശേരി: അഖിലേന്ത്യാ ആര്‍മി ഫുട്‌ബോള്‍ ചാംപ്യന്‍മാരായ കണ്ണൂര്‍ ഇന്‍ഫന്‍ട്രി ബറ്റാലിയന്‍ ടീം ക്യാപ്റ്റന്‍ ഷൈജുവിനും അഖിലേന്ത്യാ ഫോറസ്റ്റ് ഫുട്‌ബോള്‍ ചാംപ്യന്‍മാരായ കേരള ടീം ക്യാപ്റ്റന്‍ പി രതീശ
നും മുഖ്യമന്ത്രിയുടെ വിശിഷ്ട സേവാ മെഡല്‍ നേടിയ രാജീവന്‍ തളിയില്‍ കേരള ഫുട്‌ബോള്‍ ടീം കോച്ച് വി.പി ഷാജി എന്നിവര്‍ക്ക് പാപ്പിനിശ്ശേരി ഹാജി റോഡില്‍ സ്വീകരണം നല്‍കി. റോവേഴ്‌സ് പാപ്പിനിശ്ശേരി, യുനൈറ്റഡ് വെട്ടറന്‍സ് പാപ്പിനിശ്ശേരി, പാപ്പിനിശ്ശേരി ഫുട്‌ബോള്‍ കൂട്ടായ്മ എന്നിയുടെ സംയുക്താഭിമുഖ്യത്തിലാണ് പരിപാടി സംഘടിപ്പിച്ചത്. പഞ്ചായത്ത് പ്രസിഡന്റ്  കെ നാരായണന്‍ പരിപാടി  ഉദ്ഘാടനം ചെയ്തു.
കെ മുകേഷ് അധ്യക്ഷനായി. കെ ബിനീഷ്, സി.പി റഷീദ്, പി.പി സുധീര്‍ ബാബു, രവി കണ്ണപുരം, അനില്‍കുമാര്‍ പോക്കാടന്‍ സംസാരിച്ചു.