കോഴിക്കോട്: സി.ബി.എസ്.ഇ 12-ാം ക്ലാസ് ഫലം പുറത്തുവന്നപ്പോള്‍ ജില്ലിയിലെ സ്‌കൂളുകള്‍ക്ക് മികച്ച വിജയം. ഏറ്റവും കൂടുതല്‍ വദ്യാര്‍ഥികള്‍ പരീക്ഷയെഴുതിയ സ്‌കൂളുകളിലൊന്നായ ഇസ്റ്റ് ഹില്‍ കേന്ദ്രീയ വിദ്യാലയം ഒന്നില്‍ നൂറുമേനി വിജയം നേടി. 205 വിദ്യാര്‍ഥികളാണ് ഇവിടെ പരീക്ഷയെഴുതിയിരുന്നത്.
സില്‍വര്‍ ഹില്‍സ് പബ്ലിക് സ്‌കൂളില്‍ പരീക്ഷയെഴുതിയ 114 പേരില്‍ എല്ലാവരും വിജയിച്ചു. 17 പേര്‍ക്ക് എല്ലാ വിഷയങ്ങളിലും എ വണ്‍ ലഭിച്ചു.
മാവിളിക്കടവ് എം.എസ്.എസ് പബിക് സ്‌കൂള്‍ നൂറു ശതമാനം വിജയം കരസ്ഥമാക്കി. പുതിയങ്ങാടി അല്‍ ഹറമൈന്‍ ഇംഗ്ലീഷ് സ്‌കൂളില്‍ പരീക്ഷയെഴുതിയ മുഴുവന്‍ പേരും വിജയിച്ചു. ദേവഗിരി സി.എം.ഐ സ്‌കൂള്‍ തുടര്‍ച്ചയായി ഏഴാം വര്‍ഷവും നൂറു ശതമാനം വിജയം സ്വന്തമാക്കി. പട്ടേല്‍താഴം പ്രസ്റ്റീജ് പബ്ലിക് സ്‌കൂളും നൂറുമേനി വിജയം കരസ്ഥമാക്കി. ഗോവിന്ദപുരത്തെ കേന്ദ്രീയ വിദ്യാലയം രണ്ടില്‍ പരീക്ഷയെഴുതിയ 72 പേരും വിജയിച്ചു. തുടര്‍ച്ചയായി 22ാം തവണയും നൂറുശതമാനം വിജയം നേടി ചാത്തമംഗലം ദയാപുരം റസിഡന്‍ഷല്‍ സ്‌കൂള്‍ വീണ്ടും മാതൃകയായി.
കളന്‍തോട് എം.ഇ.എസ് രാജാ റസിഡന്‍ഷല്‍ സ്‌കൂളില്‍ മുഴുവന്‍ പേരും വിജയിച്ചു.