കരൂപ്പടന്ന: പൊതുവിദ്യാഭ്യാസ സംരക്ഷണത്തിന്റെ ഭാഗമായി കൊടുങ്ങല്ലൂര്‍ നിയോജക മണ്ഡലംതല 'മികവുത്സവം' കോണത്തുകുന്ന് കമ്മ്യൂണിറ്റി ഹാളില്‍ നടന്നു. വി.ആര്‍ സുനില്‍കുമാര്‍ എം.എല്‍.എ ഉദ്ഘാടനം ചെയ്തു. വെള്ളാങ്ങല്ലൂര്‍ ഗ്രാമപഞ്ചായത്ത് പ്രസിഡന്റ് പ്രസന്ന അനില്‍കുമാര്‍ അധ്യക്ഷയായി.
വൈസ് പ്രസിഡന്റ് ഉണ്ണികൃഷ്ണന്‍ കുറ്റിപ്പറമ്പില്‍, വിദ്യാഭ്യാസ ആരോഗ്യ സ്റ്റാന്റിങ് കമ്മിറ്റി ചെയര്‍പേഴ്‌സന്‍ സീമന്തിനി സുന്ദരന്‍, വെള്ളാങ്ങല്ലൂര്‍ ബി.പി.ഒ ഇ.എസ് പ്രസീദ, താജ് മാസ്റ്റര്‍, സല്‍മ സംസാരിച്ചു. പുല്ലൂറ്റ് ടി.ഡി.പി യു.പി സ്‌കൂള്‍ തയാറാക്കിയ 'പടവുകള്‍' കുട്ടിപ്പത്രം സുനില്‍കുമാര്‍ എം.എല്‍.എ പ്രകാശനം ചെയ്തു.
തിരഞ്ഞെടുക്കപ്പെട്ട 14 വിദ്യാലയങ്ങള്‍ 2016-17 അധ്യയന വര്‍ഷത്തില്‍ നടത്തിയ പ്രവര്‍ത്തന മികവുകള്‍ അവതരിപ്പിച്ചു. ഗ്രാമപഞ്ചായത്ത് പ്രസിഡന്റ് പ്രസന്ന അനില്‍കുമാര്‍ മികച്ച സ്‌കൂളുകള്‍ക്ക് ഉപഹാരം നല്‍കി.